मकवानपुर थाहा नगरपालिका त्यस्तो ठाउँ हो, जहाँ आयात भन्दा निर्यात बढि छ । मकवानपुरको दश स्थानीय तह मध्ये थाहा नगरपालिका आर्थिक कारोबारका हिसाबले आत्मनिर्भर छ । थाहा नगरपालिकाबाट तरकारीजन्य वस्तु नै निर्यातको मुख्य स्रोत हो ।
नगरपालिाको कुल क्षेत्रफल मध्ये ५१.४८ वर्ग किलोमीटर क्षेत्रफल जमिनमा खेती हुन्छ । यसमध्ये ३ सय ८१ हेक्टर क्षेत्रफलमा सालैभर सिंचत हुन्छ भने ५ सय १७ हेक्टरमा मौसमी सिचाई हुने गरेको छ ।
नगरको कुल क्षेत्रफल १९१.२१ वर्ग किलोमीटर रहेको छ । तरकारी जोनको रुपमा स्थापित भैसकेको थाहानगरमा धान रोप्नु, गोड्नु र भित्र्याउनु नयाँ पुस्ताका लागि अनौठो झै भैसकेको छ । तर केही खेतहरुमा धान रोप्ने किसानहरु आक्कल झुक्कल भेटिन्छ । प्रस्तुत छ, यहि दुर्लभ हुँदै गएको रोपाईलाई विकासखत्रर डटकमका फोटो पत्रकार गणेश विष्टले खिचेको ताजा फोटोहरु । यो फोटो थाहा नगरपालिका वडा नं. ३ का खेतहरुमा खिचिएको हो ।
विष्ट, थाहा टाइम्स डटकममा आवद्ध फोटो पत्रकार हुन् ।
