मकवानपुरमा चट्याङ लागेर २४ फागुनमा एक जनाको ज्यान गएको छ, भने अर्का एकजना घाईते भएका छन् ।
बिहान बर्षासँगै परेको चट्याङ लागेर भिमफेदी गाउँपालिका–९ च्याउखोलाका २३ बर्षीय विजय स्याङ्ताङको ज्यान गएको हो । चट्याङले लागेर घाईते भएका स्याङतानको उपचारको क्रममा हेटौडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ ।
त्यसैगरी चट्याङ लागेर स्याङ्तानकी श्रीमती २२ वर्षीया सविता स्याङ्ताङ घाईते भएको र उनको हेटौंडा अस्पतालमा उपचार भइरहेको जिल्ला प्रहरी कार्यालय मकवानपुरका प्रहरी उपरिक्षक शुसिल सिंह राठौरले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
