मकवानपुरको कैलाश गाउँपालिकास्थित डाँडाखर्कको छ्याङ्दुङ खोलामा रहेको घट्टको डुँढमा परेर एक बालिकाको मृत्यु भएको छ ।
कैलाश गाउँपालिकाको वडा नम्बर १ र २ को सिमानामा रहेको छ्याङ्दुङ खोलास्थित पानी घट्टको डुँढमा परेर ७ वर्षीया सुस्मिता थिङको मृत्यु भएको प्रहरीले जानकारी दिएको छ ।
पानी घट्टको डुँढमा परेर घाइते भएकी थिङलाई उपचारका लागि लैजानेक्रममा बाटोमा मृत्यु भएको कैलाश गाउँपालिका वडा नम्बर २ का वडा अध्यक्ष राजेन्द्र तामाङ घिसिङले बताए । राक्सिराङ गाउपालिका वडा नम्बर ९ खैराङ घर भएकी बालिका कैलाश गाउँपालिका १ स्थित मामाघरमा बस्दै आएकी थिइन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
