मकवानपुरको गोगने गाविसलाई भोलि बुधवार एक कार्यक्रमका विच पूर्ण खोपयुक्त गाविस घोषणा गरिने भएको छ । गाविसमा रहेका बालवालिकाहरुलाई सवै प्रकारको खोप दिइसकेकाले पूर्ण खोपयुक्त गाविस घोषणा गर्न लागिएको हो । गोगने गाउँ विकास समतिले साँस्कृतिक कार्यक्रम समेत आयोजना गरि गाविसलाई पूर्ण खोपयुक्त गाविस घोषणा गर्न लागिएको सामाजिक परिचालक कमल लामाले जानकारी दिए ।
कार्यक्रममा राष्ट्रिय कलाकार तथा स्थानिय कलाकारहरुद्धारा साँङगीतिक प्रस्तुतिबाट जनचेतनामुलक सन्देश प्रवाह गर्र्ने लामाले जानकारी दिए । कार्यक्रममा राष्ट्रिय कलाकार शान्ता परियार,बाबुकृष्ण परियार तथा स्थानिय कलाकार रजनी लामा र सिम्पल सुमनले दर्शकलाई भरपुर मनोरञ्जन प्रदान गर्नेछन ।
गोगने २ मा रहेका स्वास्थ्य चौकीको प्राङगानमा हुने कार्यक्रममा भोलि बुधबार विहान ११ बजेदेखि शुरु हुनेछ । गाविसलाई पुर्ण खोप युक्त गाविस घोषणा गर्न बालबालिकाहरुलाई बि।सि।जि, डि।पि।टि,हेपटाईटिस बी, पोलियो, दादुरा र टि।टि खोप लिईएको हुनुपर्ने हुन्छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
