मकवानपुरको ‘कुन्छाल’ जो कसैलाई आकर्षण गर्छ । थाहा नगरपालिका भएर बज्रवाराही कुन्छाल पुग्नेले यो गाउँलाई पृष्ठभूमीमा राख्दै नबिराई फोटो खिच्छन् । नेवारी संस्कृति रहेको कुन्छालमा अधिकांश गोपाली जातीको बसोबास रहेको छ ।
निकै मनोमोहक र पर्यटकीय आकर्षणको केन्द्र यो गाउँलाई नेपाल पर्यटन बोर्डले सन् २०१८ मा पर्यटकीय गन्तव्य गाउँ घोषणा गरेको थियो । होमस्टे स्थापना भएका छन् । थाहा नगर आएका पर्यटकहरु पुग्नै पर्ने उद्देश्य लिन्छन् ।
कुन्छाल ऐतिहाँसिक गाउँ पनि हो । गाउँको आफ्नै इतिहास छ । रीतिरिवाज र परम्परा छ । गाउँको मुख्य आकर्षण भनेको यहाँको मौलिकता हो । गाउँमा एकै किसिमका छाना भएका घरहरु छन् । एउटै गाउँ छ तर छुट्टाछुट्टै टोल छ ।
वि.सं. २०७२ सालको भुकम्पले सबैलाई पीडित बनायो, कुन्छाललाई पनि छोडेन । विपदलाई कसैले अवसरका रुपमा लिए राम्रो प्रगती गरे । गोरखाको लाप्राकको आवासिय बनावट भुकम्पपछि झन आकर्षक बन्यो । कतिपय जिल्लाहरुमा नयाँ एकीकृत बस्ती नै बने ।
विडम्वना, थाहा नगरपालिका वडा नम्बर १ मा रहेको कुन्छाल गाउँको भुकम्पपछि आकर्षण खस्कियो । मौलिकता मासिन थाल्यो । कुन्छालमै विभिन्न सामाजिक काम गर्ने संस्थाहरु पनि छन् । उनीहरुले पनि यसतर्फ चासो दिन नसकेको पर्यटन व्यवशायीहरुको चिन्ता छ । त्यसोतः संघ, प्रदेश र स्थानीय तीन तहका सरकार छन् उनीहरुले पर्यटन प्रवद्र्धनका कार्यक्रम संचालन गरिरहेका छन् । तैपनि, मौलिकता जोगाउने खालका नीति, योजना बनाएका छैनन् भने बजेट विनियोजनको त कुरै भएन ।
हेर्नुहोस् मौलिकता मासिँदै फोटो फिचर:
विष्ट, थाहा टाइम्स डटकममा आवद्ध फोटो पत्रकार हुन् ।
