सामुदायिक रेडियो रेडियो सन्देश १०६.९ मेगाहर्ज “संस्थागत शिक्षा पत्रकारिता पुरस्कार”बाट पुरस्कृत भएको छ। पत्रकार महासंघ केन्द्रिय कार्यालयमा भएको कार्यक्रममा शिक्षा, विज्ञान तथा प्रविधिमन्त्री गिरिराजमणि पोखरेलले पुरस्कार प्रदान गर्नुभएको हो । शिक्षा मन्त्रालय, शिक्षा तथा मानव स्रोत विकास केन्द्र र पत्रकार महासंघले संयुक्त रुपमा यो पत्रकारिता पुरस्कार प्रदान गर्दै आएको छ ।
२० हजार राशीको पुरस्कार बाट रेडियो सन्देश हेटौँडासँगै रेडियो मदनपोखरा (पाल्पा), तमोर एफएम (ताप्लेजुङ), रेडियो शारदा (सल्यान), रेडियो जनप्रिय (अछाम) लाई पुरस्कार प्रदान गरिएको छ । यस्तै प्रादेशिक शिक्षा पत्रकारिता प्रोत्साहन पुरस्कारबाट १६ जना पुरस्कृत भएका छन् । यस बर्षको राष्ट्रिय पत्रकारिता पुरस्कार भने नागरिक दैनिकका रुवी रौनियारले प्राप्त गर्नुभएको छ । त्यस्तै प्रादेशिक शिक्षा पत्रकारिता पुरस्कार ८ जनालाई दिईएको छ ।
