थाहा नगरपालिकाबाट ७ व्यक्ति र ६ संस्थागत सम्मान (को–को परे ? हेर्नुहोस् सूची)

मकवानपुर थाहा नगरपालिकाले विभिन्न क्षेत्रमा योगदान पु¥याएका व्यक्तिहरुलाई सम्मान गरेको छ । नगरपालिकाले कार्यालयमा प्रभावकारी कार्य सम्पादन गर्ने कर्मचारीदेखि उपभोक्ता समिति समेतलाई सातौं नगगरसभाको अवसरमा सम्मान गरेको हो । 

सम्मानित हुनेहरुलाई नगदसहित कदरपत्रबाट सम्मान गरिएको हो । नगरपालिकाले उत्कृष्ट पुरुष कर्मचारी तर्फ प्रकाशकुमार लामालाई सम्मान गरिएको छ भने उत्कृष्ट महिला कर्मचारीतर्फ नमुनाकला कौशिकलाई सम्मान गरेको छ । 

त्यस्तै उत्कृष्ट वडा सचिवमा पाल्साङ लामा, उत्कृष्ट वडा सहायक पुर्ण गोले, उत्कृष्ट स्वास्थ्यकर्मी  सीतामाया जिरेल, उत्कृष्ट महिला स्वयंसेविका भुपाकुमारी राई प्रधान, उत्कृष्ट कार्यालय सहयोगी रामदेश श्रेष्ठ घोषित भएका छन् । 

त्यसैगरी थाहा नगरपालिकाको उत्कृष्ट शाखामा स्वास्थ्य शाखा घोषित भएको छ भने  उत्कृष्ठ सामुदायिक विद्यालयमा थाहा–६ को बज्रवाराही मा.वि., उत्कृष्ट संस्थागत विद्यालयमा थाहा–४ को हिमालयन बोर्डिङ स्कूल, उत्कृष्ट बजार व्यवस्थापन समिति थानाबजार व्यवस्थापन समिति, उत्कृष्ट कृषक समूह झम्केश्वरी कृषक समूह, उत्कृष्ट उपभोक्ता समिति शंखमुल नारदतिर्थ उपभोक्ता समिति, उत्कृष्ट गैर सरकारी संस्थामा सिसिडिएन र च्वाइस नेपाल घोषित भएका छन् । 

आर्थिक वर्ष २०७६/०७७ को अवधिमा उल्लेख्य योगदान दिएकाहरुलाई नगरपालिकाले सम्मान गरेको प्रमुख प्रशासकीय अधिकृत हरिलाल पुरीले जानकारी दिए । 

हेर्नुहोस् फोटोहरुः