जाजरकोट भूकम्पका पीडितहरुको लागि नेपाल जेसीजले थालेको राहत संकलन अभियानमा पालुङ जेसीज पनि सक्रिय रुपमा सहभागी हुने भएको छ ।
पालुङ जेसीजले १९ कात्तिकमा एक सूचना जारी गर्दै पीडितहरुलाई राहत, उद्धार र घाइतेहरुको उपचारको लागि आवश्यक सहयोग गर्न सबैमा अपिल गरेको छ ।
पालुङ जेसीज बर्ष २०२३ का अध्यक्ष संगम कार्कीले मानवताको सेवा नै जीवनको सर्बोत्तम कार्य हो भन्ने जेसीजको मूल मर्मलाई आत्मसात गर्दै बिपतमा परेका नागरिकहरुलाई सहयोग गर्न सम्पूर्णमा अनुरोध गरे ।
पालुङ जेसीज बर्ष २०२३ मा स्थापना गरेको बिपत राहत कोषमा जम्मा भएको रकम र स्थानीय स्तरमा संकलन गरिएको रकम नेपाल जेसीज मार्फत भूकम्प प्रभावित क्षेत्रमा पठाइने कोषाध्यक्ष माधव कार्कीले बताए ।
सहयोग गर्न चाहनेहरुले मोबाईल नं. ९८५५०६९७३६ मा इ-सेवा वा खल्ती मार्फत् रकम जम्मा गर्न सकिने महासचिव सञ्जय गोपालीले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
