nakuhine-bastu-sankalan-1706086939.jpg
Saturday, 2nd March, 2024
वि.स.
1000043965-1707579226.jpg

थाहा-४ ठूलाेमाखुका महिलाहरुले बनाए बाँस र निगालाेका आकर्षक सामग्री, बिक्री शुरु

IMG_20230308_185655-1678281177.jpg

थाहा नगरपालिका वडा नम्बर ४ ठूलाेमाखुका महिलाहरुले स्थानीय क्षेत्रमा पाइने बाँस र निगालाेकाे सदुपयाेग गरेर आकर्षक हस्तकलाका सामान उत्पादन गरेका छन् । थाहा नगरपालिकाकाे लघु उद्यम विकास कार्यक्रमले प्रदान गरेकाे १५ दिनकाे तालिमसँगै महिलाहरुले बाँस र निगालाेका सामान उत्पादन गरेका हुन् ।

उनीहरुले उत्पादन गरेका सामानहरुमा मुडा, फाेटाे फ्रेम, कलमदानी, फूलदानी र र्याक रहेका छन् । गरिबी निवारणका लागि लघुउद्यम विकास कार्यक्रम अन्तर्गत ठूलाेमाखुका १५ जना महिलाहरुलाई स्वराेजगारीका लागि तालिम दिइएको हाे ।

तालिमकाे पन्ध्रौं दिन अन्तर्राष्ट्रिय नारी दिवसकाे दिन समापनकाे अवसरमा महिलाहरुले आफूहरुले सिकाईकै क्रममा निर्माण गरेका सामानहरु प्रदर्शन गरे । साे अवसरमा सीप विकास तालिमकाे प्रमाणपत्र ग्रहण गर्दै निरमाया बल, स्मृति थाेकर, सुमित्रा थाेकर लगायतले तालिम पछि अब व्यवसायिक ढंगले उत्पादन गर्ने बताए । उनीहरुले एक श्वरमा भने- "लगानी, बजार, समय, कामदार, प्रविधि, स्थानीय श्राेत आदिलाई विश्लेषण गरेर सामूहिक रूपमा हामीले निगालाेकाे सामान बनाउने तालिम राेजेका हाैँ । अब व्यवसायी बन्छाैँ ।" उनीहरुले लालीगुराँस महिला उद्यम समूह गठन गरिसकेका छन् ।

हिलाहरुले उत्पादन गरेकाे सामग्री नयागाउँमा थाहा नगरपालिकाले सञ्चालनमा ल्याएकाे काेशेली घरमा विक्रीका लागि राखिने नगरपालिकाकाे लघु उद्यम सहजकर्ता सुनिता बुढाले बताइन् ।

तालिमकाे समापनमा लघु उद्यम विकास कार्यक्रमका अधिकृत कुमार नेगी, प्रशिक्षक रामकुमार राई, वडा सदस्य चन्द्रमाया थिङ, लघु उद्यम सहजकर्ता सुनिता बुढा लगायतले व्यवसायिक निरन्तरताकाे लागि महिलाहरुलाई आग्रह गरेका थिए ।

महिलाहरुले उत्पादन गरेकाे सामानकाे विक्री शुरु भएकाे समूहले जनाएकाे छ ।



https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes@gmail.com

यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)







Makai-bali-prabardhan-1706086965.jpg
bali-bima-ko-suchana-1701933793.jpg
1000043372-1706361050.jpg