काठमाण्डौ र मकवानपुरको सीमानामा रहको चन्द्रागिरिमा वातावरण संरक्षण गरेर मात्र कुनै पनि भौतिक संरचना निर्माण गर्न सर्वोच्च अदालतले अन्तरिम आदेश जारी गरेको छ ।
न्यायाधीश ईश्वर खतिवडाको एकल इजलासले ४ फागुनमा वातावरण संरक्षणका लागि नियमित अनुगमन गर्नसमेत सरकारलाई आदेश दिएको छ ।
अधिवक्ता दीपकविक्रम मिश्रले चन्द्रगिरिमा केबलकार, होटललगायतका संरचना निर्माण गर्दा वातावरणीय विनाश भइरहेको भन्दै त्यसलाई रोक्न माग राखी सर्वोच्चमा रिट दायर गरेका थिए ।
