Tuesday, 13th April, 2021
वि.स.

विपद् जोखिम न्यूनीकरण तथा जलवायु परिवर्तन अनुकुलन गोष्ठी हेटौडामा शुरु

सरकारी निकायहरुको बार्षिक योजना तर्जुमा प्रक्रियामा विपद् जोखिम न्यूनीकरण तथा जलवायु परिवर्तन अनुकुलन मूलप्रवाहीकरण सम्बन्धी गोष्ठी हेटौँडामा शुरु भएको छ । अमेरिकी सहयोग नियोग यूएसएआईडी, सवल कार्यक्रम मकवानपुरको आयोजना तथा जिल्ला बिकास समिति मकवानपुरले समन्वयमा कार्यक्रम भएको हो ।  

२ दिने कार्यक्रममा मकवानपुरमा विपद् जोखिम, न्यूनीकरणका प्रयास, जलवायु परिवर्तन अनुकुलन सम्बन्धी कार्यक्रम, स्थानीय नीतिगत व्यबस्था र स्थानियले खेल्नुपर्ने भुमिका  लगायतका विषयमा प्रशिक्षण दिईने सबल कार्यक्रम विपद् जोखिम न्यूनिकरण तथा जलवायू परिवर्तन अनुकुलनका बरिष्ठ व्यबस्थापक मानबहादुर विकले बताउँनुभयो । कार्यक्रममा जिल्ला बिकास समिति मकवानपुरका सामाजिक विकास अधिकृत रामकृष्ण थापा, योजना, अनुगमन तथा प्रशासकीय अधिकृत किसान न्यौपाने, सबल कार्यक्रम विपद् जोखिम न्यूनिकरण तथा जलवायु परिवर्तन अनुकुलनका बरिष्ठ व्यबस्थापक मानबहादुर विक, अधिकृत देवता रिजाल, महिला तथा बालबालिका कार्यालय मकवानपुरका प्रमुख शोभा शाहले सहजिकरण गरिरहेका छन् ।
 
कार्यक्रममा मकवानपुर जिल्लाका गाबिस सचिवहरु, सरकारी कार्यालय र गैरसरकारी संघसंस्थाका प्रतिनिधी लगाएतका २८ जनाकोे सहभागिता रहेको छ ।

https://thahatimes.com/public/images/users/Suraj-1510299856.jpg

सुरजकुमार भुजेल

surajkhabar@gmail.com

भुजेल यस अनलाइनका सम्पादक हुन् । उनी विकास विटमा समाचार लेख्ने पत्रकार हुन् ।