पूर्वपश्चिम राजमार्ग अन्तर्ग हेटौँडा–मनहरी खण्डमा पर्ने मनहरी ८ खरंगामा मोटरसाइकल र एम्बुलेन्स ठोक्किँदा दुईजना गम्भीर घाइते भएका छन् । केहीबेर अघि भएको घटनामा परी मोटरसाइकल चालक युवक र सँगै यात्रारत एक युवती गम्भीर घाइते भएका छन् । उनीहरुलाई उपचारका लागि हेटौँडा पठाइएको प्रत्यक्षदर्शी बिनोद सुवेदीले जनाएका छन् ।
घाइतेहरुको पहिचान खुल्न सकेको छैन । नारायणगढतर्फबाट हेटौँडातर्फ गइरहेको ना ४१ प १४३१ नम्बरको मोटरसाइकलले खरंगास्थित मन्दिरनजिकैको मोडमा बिपरित दिशातर्फबाट आइरहेको एम्बुलेन्सलाई ठक्कर दिएको थियो ।
ठक्करबाट एम्बुलेन्स र मोटरसाइकल दुबैमा क्षति पुगेको छ । घटनाबारे बिस्तृत बिबरण आउन बाँकी रहेको जिल्ला प्रहरी कार्यालय प्रहरी नियन्त्रण कक्षले जनाएको छ ।
