मकवानपुरको राक्सिराङ्ग गाउँपालिका वडा नम्बर–१ को बेलटारमा बोलेरो दुर्घटना हुँदा एक जनाको घटना स्थलमै मृत्यु भएको छ ।
शनिवार विहान १२ बजेर ३० मिनेटको समयमा राक्सिराङ्गको बेलटारबाट हेटौंडा तर्फ आउदै गरेको बा १५ च ३९२० नम्वरका आफै अनियन्त्रित हुँदा दुर्घटना भएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।
बोलेरो दुर्घटनामा बोलेरोमा सवार वर्ष १७ को दिनेश स्याङतानको घटना स्थलमै मृत्यु भएको छ भने अन्य ५ जना घाइते भएका छन् । घाइते मध्य १ जना अवस्था सामान्य र अन्य को अवस्था मध्यम रहेको रिमालले बताए । घाइतेहरुमा बोलेरो चालक वर्ष २५ का दिपेन्द्र लो,वर्ष १८ की मन्जु लो,वर्ष १६ को अमृत दोङ,वर्ष २३ की आकृति मोक्तान र वर्ष १७ को दोर्जे गोम्वा रहेका छन् । उनीहरुको हेटौंडा स्थित चुरेहिल हस्पिटलमा उपचार भइरहेको रिमालले जानकारी दिए ।
दुर्घटनावारे थप अनुसन्धान भइरहेको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
