वैदेशिक रोजगारीका लागि फ्रान्स र रोमानिया पठाइदिने भन्दै लाखौं रुपैयाँ ठगी गरेको आरोपमा दुई जनालाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले ३३ वर्षीय सागर उप्रेती र २५ वर्षीय कृष्णकुमार उपाध्यायलाई पक्राउ गरेको हो ।
सागर उप्रेतीले फ्रान्स पठाइदिने प्रलोभन देखाई एक जना पीडितबाट ९ लाख रुपैयाँ लिई सम्पर्कविहीन भएको आरोप छ । उनलाई काठमाडौं महानगरपालिका-३१ क्षेत्रबाट पक्राउ गरिएको प्रहरीले जनाएको छ ।
यस्तै, कृष्णकुमार उपाध्यायले रोमानिया पठाइदिने भन्दै एक जना पीडितबाट ४ लाख रुपैयाँ ठगी गरेको आरोपमा काठमाडौं महानगरपालिका-१२ क्षेत्रबाट पक्राउ परेका हुन् ।
प्रहरीका अनुसार बेरोजगार युवायुवतीलाई आकर्षक तलबको प्रलोभनमा पारी विदेश पठाइदिने भन्दै रकम असुलेर सम्पर्कविहीन भएपछि पीडितहरूले दिएको उजुरीका आधारमा अनुसन्धान गरी दुवै जनालाई पक्राउ गरिएको हो ।
उनीहरूलाई थप अनुसन्धान तथा आवश्यक कारवाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![fdk;fb-;fksf]6f-(2)-1786500872.png](https://thahatimes.com/public/images/news/2026-08-12/400/fdk;fb-;fksf]6f-(2)-1786500872.png)
-1786417899.png)
-1785843212.png)
![fdk;fb-;fksf]6f-(3)-1786589187.png](https://thahatimes.com/public/images/news/2026-08-13/400/fdk;fb-;fksf]6f-(3)-1786589187.png)
![fdk;fb-;fksf]6f-(4)-1786591258.png](https://thahatimes.com/public/images/news/2026-08-12/400/fdk;fb-;fksf]6f-(4)-1786591258.png)
