मकवानपुरको थाहा नगरपालिकामा सञ्चालन भैरहेको “दोस्रो थाहानगर वडा स्तरिय भलिबल प्रतियोगिता २०७६” मा ८ वटा टिम क्वाटर फाइनलमा पुगेको छ । ७ फागुनमा भएको खेलबाट हिमाली डाँफे युवा क्लब, स्वच्छन्द भैरव, कोट डाँडा, पुपुमेन्दो, आग्रा स्पोर्ट, विनयबाबु, थाहा २ र थाहा ३ युवा क्लबको टिम क्वाटरफाइनलमा गएको आयोजक समितिका सचिव जितेन्द्र मगरले जानकारी दिए ।
हिमाली डाँफे युवा क्लबको आयोजनामा यहि मिति २०७६ फागुन ५ गतेदेखि सञ्चालन भैरहेको प्रतियोगिता ९ गते सम्म सञ्चालन हुने आयोजक टिमका सचिब जितेन्द्र मगरले जानकारी दिए । प्रतियोगिता थाहा नगरपालिका वडा नं १० स्थित क्लबको खेल मैदानमा सञ्चालन भैरहेको छ । वि.सं. २०५६ सालमा स्थापना भएको हिमाली डाँफे युवा क्लबले गतवर्ष देखि खेलकुद तथा सामाजिक विकासमा उत्कृष्ट कार्य गर्ने योजना सहित अघि बढिरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
