थाहानगरका कोरोना संक्रमित थप एक जनाको आइतबार बिहान हेटौंडामा मृत्यु भएको छ ।
मृतक थाहा नगरपालिका ३ का ३८ वर्षिय पुरुष हुन् । उनको स्वास्थ्य अवस्था कमजोर भएपछि २५ वैशाख विहान मात्र प्राथमिक स्वास्थ्य केन्द्र पालुङ लगिएको थियो । प्रास्वाकेमा स्वास्थ्य जाँच गर्दा अस्क्सिजनको मात्रा निकै कम भएपछि हेटौंडा रिफर गरिएको थियो । हेटौंडामा आइसियुमा राखी उपचार सुरु गरिएकोमा २६ वैशाख बिहान ७ बजे मृत घोषणा गरिएको हो ।पारिवारिक श्रोतका अनुसार यस अघि उनमा कुनै दीर्घ रोग भएको जानकारी छैन ।
यस अघि २५ वैशाख विहान ३ बजे थाहा ५ का कोरोना संक्रमितको मृत्यु भएको थियो । छाउनी अस्पतालमा गरिएको स्वाव परिक्षणमा उनको पनि कोरोना पोजेटिभ देखिएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
