संघीय सरकारले आर्थिक वर्ष २०७८/७९ मा थाहा नगरपालिकाको लागि ४३ करोड ५५ लाख विनियोजन गरेको छ । संघीय सरकारले सातवटा प्रदेश सरकार र स्थानीय सरकारलाई बजेट भाषणमार्फत् अनुदानको घोषणा गर्ने क्रममा थाहा नगरपालिकाको लागि सो रकम विनियोजन भएको हो ।
संघीय सरकारले थाहा नगरपालिकालाई समानीकरण, सर्शत, विशेष र समपूरक अनुदान गरी कुल ४३ करोड ५५ लाख विनियोजन गरेको जनाइएको छ ।
४३ करोड ५५ लाख अन्तर्गत समानीकरण अनुदान १३ करोड ४७ लाख, सशर्त अनुदान २७ करोड ३५ लाख, विशेष अनुदान १ करोड ८ हजार र समपुरक अनुदान १ करोड ६५ लाख रहेको छ । कूल अनुदानमध्ये चालतर्फ ३८ करोड ६९ लाख र पूजीगततर्फ ५ करोड ९४ लाख रहेको छ ।
थाहा नगरपालिका संघको बढी अनुदान पाउने मकवानपुरको १० पालिकाहरु मध्ये दोस्रो हो । हेटौँडा उपपहानगरपालिकाले १ अर्ब १ करोड ९१ लाख पाउने भएको छ ।
इन्द्रसरोवर गाउँपालिकालाई २० करोड ६७ लाख, कैलाशलाई २६ करोड २३ लाख, बकैयालाई ४० करोड, बागमतीलाई ३१ करोड ३३ लाख, भीमफेदीलाई ३३ करोड ६३ लाख, मकवानपुरगढीलाई ३८ करोड ९७ लाख, मनहरीलाई ३३ करोड ९७ लाख र राक्सिराङ गाउँपालिकालाई ३० करोड ३८ लाख बजेट विनियोजन गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
