दाेलखाकाे जिरीमा जारी भलिबल च्याम्पियनसिप प्रतियोगितामा थाहा नगरपालिका फाइनलमा प्रवेश गरेको छ। सेमिफाइनलमा लिखु तामाकाेशीलाई हराउँदै थाहा फाइनलमा पुगेकाे हाे ।
अब फाइनलमा थाहाले भरतपुरसँग भिड्ने छ । सेमिफाइनलमा रामेछापको गोकुलगंगा गाउँपालिकालाई पराजित गरेर चितवनको भरतपुर महानगरपालिका फाइनलमा पुगेकाे हाे ।
अहिले तेस्राे स्थानकाे लागि लिखु र गाेकुलगंगा भिडिरहेकाे जिरीबाट रुपक कार्कीले जानकारी दिए । फाइनल आजै हुनेछ ।
थाहा नगरपालिकाका प्रमुख विष्णुबहादुर विष्ट, उपप्रमुख भरत गोपाली, थाहा नगर खेलकुद विकास समिति सदस्य राजकुमार बलामी, सामाजिक बिकास शाखा प्रमुख अनिल लामिछाने अहिले जिरीमै छन् ।
फाइनलमा उपाधी जिते थाहा नगरपालिकाले रु. १,५१,००० नगद हात पार्नेछ । उपविजेतामा सीमित रहँदा रु. १,०१,००० पक्का भैसकेकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
