Bhumi11-1619166617.jpg
Friday, 7th May, 2021
वि.स.

राष्ट्रिय महिला हक्की प्रतियोगिता सुरु, आर्मीको विजयी सुरुवात

सुदूरपश्चिमलाई ६–० गोलको फराकिलो अन्तरले पराजित गर्दै विभागीय टिम नेपाल आर्मीले हेटौँडामा भएको राष्ट्रिय महिला हक्की प्रतियोगितामा विजयी सुरुवात गरेको छ । आर्मीका लागि खेलको तेस्रो र ११ औँ मिनेटमा टंकमाया खपाङ्गीले गोल गरिन् । यस्तै ७, २१ र ४१ औँ मिनेटमा सीतामाया बलले गोल गर्दै ह्याट्रिक पूरा गरिन् । ५३ मिनेटमा आर्मीकै लागि सीताकुमारी चौधरीले गोल गरिन् । आर्मीसामु निरीह बनेको सुदूरपश्चिमले गोल गर्न सकेन ।

१० वैशाखमा भएको प्रतियोगिता अन्तर्गत भएको दोस्रो खेलमा महोत्तरीलाई १–० ले पराजित गर्दै पोखरा विजयी भएको छ । पोखराका लागि खेलको ८ औँ मिनेटमा कमला राना मगरले गरेको एक मात्र गोल नै निर्णायक बन्यो । वैशाख १५ गतेसम्म सञ्चालन हुने प्रतियोगितामा पाँच विकास क्षेत्रका पाँच र विभागीय टीम आर्मीसहित ६ टिम सहभागी छन् । प्रतियोगितामा पहिलो हुने टिमले नगद ५१ हजार रुपैयाँसहित शिल्ड मेडल र प्रमाण पत्र पाउने छ । यस्तै, द्वितीय र तृतीय हुने टिमले क्रमशः नगद ३१ हजार र २१ हजार रुपैयाँसहित शिल्ड मेडल र प्रमाण पत्र जित्ने आयोजक मकवानपुर हक्की संघका अध्यक्ष प्रतापसिंह क्षेत्रीले बताए । 

https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes.com@gmail.com

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)