मकवानपुर प्रहरीले मोटरसाईकल चोरी गर्ने तीन जनालाई प्रहरीले पक्राउ गरेको छ । पक्राउ पर्नेमा मनहरी गाउँपालिका वडा नं.४ बस्ने २९ वर्षीय प्रेम राई, राक्सिराङ गाउँपालिका वडा नं. ३ बस्ने २१ वर्षीय प्रकाश थिङ र चितवन भरतपुर महानगरपालिका वडा नं. ११ बस्ने २१ वर्षीय विजय बोहरा रहेका छन् ।
प्रहरीका अनुसार राई र थिङले फागुन २४ गते हेटौडा उपमहानगरपालिका वडा नं.१८ बस्ने २९ वर्यीय जगदिश ढुङ्गानाको बा ८० प ५०४५ नं.को पल्सर मोटरसाईकल ४ हुप्राचौरस्थित सडक छेउमा पार्कीङ गरी राखेको ठाउँबाट गेरेका थिए ।
उनीहरुलाई मोटरसाइकल चोरी भएको पाँचै मिनेटमा मोटरसाइकल सहित हेटौंडा–४ हुप्राचौरस्थित सडकबाटै पक्राउ गरिएको जिल्ला प्रहरी कार्यालय मकवानपुरका प्रवक्ता एवम् प्रहरी नायव उपरीक्षक जयश्वर रिमालले जानकारी दिए ।
त्यस्तै फाुगन २३ गते मनहरी गाउँपालिका वडा नं. ९ बस्ने २५ वर्षीय सरोज कुमार श्रेष्ठको ना ४८ प २५७५ नं.को पल्सर मोटरसाईकल हेटौंडा–२चौकिटोल स्थित सडक छेउमा पार्किङ गरी राखेको ठाउँबाट चोरी भएको थियो ।
खोजतलास गर्ने क्रममा जिल्ला प्रहरी कार्यालय मकवानपुरबाट खटिएको विशेष टोलिले फागुन २५ गते भरतपुर महानगरपालिक– ११ बाट मोटरसाइलक सहित बोहरालाई पक्राउ गरी हेटौंडा ल्याइएको प्रवक्ता रिमाले जानकारी दिए ।
पक्राउ परेका तीनै जनामाथि थप अनुसन्धान भईरहेको प्रवक्ता रिजालले बताए । हिजो मात्रै मकवानपुर प्रहरीले मोटरसाइकल चोरीमा संलग्न एक जनालाई चोरीको मोटरसाइकलसहित सार्वजनिक गरेको थियो ।
-प्रहरखवरबाट ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
