दोस्रो थाहा दिवस तथा थाहा आन्दोलनका प्रणेता दिवंगत रुपचन्द्र विष्टको ८४ औं जन्मोत्सवको अवसरमा मकवानपुर उत्तरी क्षेत्रस्तरीय भलिबल प्रतियोगिता आजबाट शुरु हुँदैछ । फरक सोचको आयोजनामा थाहानगरको सेतिगणेश निमाविमा प्रतियोगिता संचालन हुन लागेको हो । थाहा दिवसको अवसरमा फरक सोचले साताव्यापी कार्यक्रम संचालन गरिरहेको छ ।
अहिलेसम्म थाहानगर स्तरीय अन्तर मावि वक्तृत्वकला तथा निबन्ध लेखन प्रतियोगिता सम्पन्न गरिसकेको छ । त्यस्तै २५ पौषमा खुल्ला महलिा पुरुष दौड प्रतियोगिता आयोजना गरेको छ । दौड महिलातर्फ ३ किलो मीटर र पुरुष ५ किलो मिटरको दुरीमा प्रतियोगिता हुने फरक सोचका संयोजक यादव जंग रायमाझीले जानकारी दिए ।
त्यस्तै पौष २६ गते विभिन्न प्रतियोगिताको पुरस्कार वितरण तथा थाहा दिवस विशेष समारोको आयोजना हुने रायमाझीले बताए । थाहा दिवसको अवसरमा विभिन्न विधामा सम्मान गरिने समेत कार्यक्रम रहेको छ ।
