राष्ट्रिय परीक्षा बोर्डले माध्यामिक शिक्षा परीक्षा (एसईई) परीक्षाको नतिजा विद्यालयलयलाई नै सार्वजनिक गर्न दिने तयारी गरेको छ । कोरोना भाइरसका कारण परीक्षा नभएपछि विद्यालयले गरेको मूल्याङ्कनलाई नै आधार मानेर नतिजा सार्वजनिक गर्न लागिएको हो ।
विद्यालय र जिल्ला शिक्षा समन्वय इकाईले पठाएको प्रमाणित डाटाको रुजु गर्ने काम अन्तिम चरणमा पुगेको बोर्डले जनाएको छ । रुजुको काम सकिएपछि प्रमाणिकरण गरेर विद्यालयलाई नै नतिजा सार्वजकि गर्न दिने विषयमा छलफल भइरहेको बोर्डका एक सदस्यले जानकारी दिए ।
‘यो वर्ष कुनै तामझाम हुँदैन । विद्यालयले पठाएको नम्बरलाई बोर्डले प्रमाणिकरण गर्ने हो । रुजुको काम सकिएपछि प्रमाणिकरण गरेर नतिजा सार्वजनिक गर्न बोर्डले सूचना निकाल्ले र विद्यालयले नै नतिजा सार्वजनिक गर्ने विषयमा छलफल भइरहेको छ । केही दिनमा बोर्डले निर्णय गर्ने सम्भावना छ,’ ती सदस्यले भने ।
यसअघि बोर्डले १५ साउनमा नतिजा सार्वजनिक गर्ने तयारी गरेको थियो । तर बाढी पहिरोका कारण बाटो बन्द भएकाले विद्यालय र जिल्लाबाट प्रमाणित डाटा नआएकाले नतिजा सार्वजनिक गर्न ढिलाइ भएको हो । एसईईमा यो वर्ष ४ लाख ८२ हजार विद्यार्थी सहभागी छन् ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
-1790751826.png)
