शहीद सुनिता गोपालीको स्मृति जिल्लास्तरीय पुरुष भलिबल प्रतियोगिताको उपाधि रेस्पेक्ट युवा क्लबले हात पारेको छ । मकवानपुर थाहा नगरपालिका वडा नम्बर १ बाराही चौरमा भएको प्रतियोगितामा विनयबाबु स्मृति प्रतिष्ठानलाई पराजित गर्दै रेस्पेक्ट युवा क्लब विजयी भएको हो ।
प्रतियोगितामा विजयी भएको रेस्पेक्ट युवा क्लबले नगद ५१ हजार १ सय ११ रुपियाँ नगद सहित शिल्ड मेडल तथा प्रमाणपप पुरस्कार पाएको छ । प्रतियोगिताको उपविजेता विनयबाबुले नगद २६ हजार ६ सय ६६ रुपियाँ नगद, शिल्ड मेडल तथा प्रमाणपत्र पुरस्कार पाएको छ । प्रतियोगितामा तृतीय भएको हेटौंडा ११ ले नगद १३ हजार ३ सय ३३ रुपियाँ नगद शिल्ड मेडल तथा प्रमाणपत्र पुरस्कार पाएको छ ।
प्रतियोगितामा सर्वोकृष्ट खेलाडी रेस्पेकट युवा क्लबका राजाराम स्याङ्तान घोषित भए । विजयी खेलाडी तथा समूहलाई थाहा नगरपालिकाका उपप्रमुख खडग गोपाली र खेलकुद विकास समिती थाहानगरका संयोजक राजेश केसीले पुरस्कार वितरण गरेका थिए ।
थाहा नगरपालिकाको मुख्य प्रायोजनमा रेस्पेक्ट युवा क्लबको आयोजनामा भएको प्रतियोगितामा मकवानपुर जिल्लाका १४ टिमको सहभागिता रहेको थियो । प्रतियोगिता को निर्णायक मा सपना बस्नेत र मनोज स्याङ्तान रहका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
