मकवानपुर थाहा नगरपालिकामा थाहा गोल्ड कप फुटबल प्रतियोगिता संचालन हुने भएको छ । थाहा नगरपालिकाको मुख्य आर्थिक सहयोगमा २६ पुसबाट थाहानगरको इन्द्रायणी चौरमा प्रतियोगिता हुन लागेको हो । प्रतियोगिताको आयोजक ऋषेश्वर ११ क्लब रहेको छ । प्रतियोगिता नाइन ‘ए’ साईड हुने आयोजकले जनाएको छ ।
प्रतियोगितामा प्रथम पुरस्कार १ लाख रुपियाँ नगद तथा दोस्रो हुने टिमलाई ५० हजार रुपियाँ पुरस्कार राशी रहेको क्लबका सुमन विष्टले जानकारी दिए । टिम दर्ताको लागि ५ हजार रुपियाँ तोकिएको छ । थाहानगरमा खेलकुदको माध्यमबाट पर्यटनको विकास गर्ने, थाहानगरका उत्कृष्ट फुटबल खेलाडीहरुको पहिचान गर्ने, स्थानीय दर्शकहरुलाइ खेलको माध्यमबाट स्वस्थ मनोरञ्जन प्रदान गर्ने, खेलाडीहरुमा विकास, अनुशासन र गतिशीलताको भावना वृद्धि गर्ने लगायतको उद्देश्यले प्रतियोगिताको आयोजना गरिएको विष्टले जानकारी दिए ।
दोस्रो थाहा गोल्ड कप फुटबल प्रतियोगिता खुल्ला प्रतियोगिता हुने उनले बताए । प्रतियोगितामा नेपाल भित्रका जुनसुकै टिमले भाग लिन सक्नेछन् ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1788844192.png)
-1787300617.png)
-1789545130.png)
-1789467550.png)
