Sunday, 29th November, 2020
वि.स.

नेपाल आइडल सिजन ३ को विजेता बनिन् सज्जा चौलागाईं, फर्स्ट र सेकेन्ड रनरअप को–को?

IDOL-1598634312.jpg

सज्जा चौलागाईं नेपाली सांगीतिक रियालिटी शो नेपाल आइडल सिजन ३ को विजेता बनेकी छिन्। सिजन ३ को विजेता भएसँगै उनले नगद ५० लाख रुपैयाँ जितेकी छिन्।

सज्जाले नेपाल आइडल सिजन ३ को उपाधि कब्जा गर्दा किरणकुमार भुजेल सेकेन्ड रनर अप र प्रवीण वेडवाल फर्स्ट रनर अप भए। प्रवीणले पुरस्कार स्वरुप नगद १० लाख जितेका छन्। त्यस्तै किरणले नगद ५ लाख रुपैयाँ जित्न सफल भएका छन्।

विश्व महामारी कोरोनाको कारण दर्शक र प्रतिस्पर्धीविनै नेपाल आइडल सिजन ३ को विजेता घोषणा गरिएको हो। एपी१ टेलिभिजनमा प्रसारण हुँदै आएको नेपाल आइडलको विजेता घोषणा अन्नपूर्ण मिडिया नेटवर्कका अध्यक्ष क्याप्टेन रामेश्वर थापाले भिडियो सन्देशमार्फत गरेका हुन्।

विभिन्न माध्यमबाट प्राप्त भोट र जजहरुको मूल्यांकनको आधारमा नेपाल आइडल सिजन ३ को विजेता घोषणा गरिएको आयोजक पक्षले जानकारी दिएको छ।

कोभिड १९ ले नेपाल आइडल निर्माण टोलीका १ सदस्यलाई पनि कोरोना पोजिटिभ देखिएपछि भिडियोमार्फत विजेता घोषणा गरिएको जानकारी दिइएको थियो।

सोही कारण प्रस्तुतिपछिका सबै कार्यक्रम स्थगित गरिएको जनाइएको छ। सोही कारण जजहरु समेत आइसोलेसनमा जानुपरेको टिभीमार्फत जानकारी गराइएको छ। पहिलो लकडाउनले शो नै स्थगित भए पनि जारी निषेधाज्ञाकै बीच बाँकी एपिसोडहरु सपन्न भएको हो।

यसअघिका पहिलो र दोस्रो सिजनमा क्रमशः बुद्ध लामा र रवि वड नेपाल आइडल बनेका थिए। नेपाल आइडलका निर्णायकमा गायिका इन्दिरा जोशी र गायक तथा संगीतकारद्वय न्हुँ वज्राचार्य र कालीप्रसाद बाँस्कोटा थिए।

https://thahatimes.com/public/images/users/Thaaaaaaaaaaa-1575425238.png

थाहा टाइम्स

[email protected]

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)